Frumvarpinu er ætlað að einfalda regluverk og lækka skatta þegar kemur að erlendri fjárfestingu með það fyrir augum að gera íslenskum fyrirtækjum auðveldara um vik með sækja fjármagn erlendis frá. Mikilvægt er að Ísland sé samkeppnishæft við önnur lönd um erlent fjármagn til að styðja við íslenskt atvinnulíf og þá einkum nýsköpunarfyrirtækin sem treysta á aðgang að lánsfé. Frumvarpsdrögin mæla fyrir eftirfarandi breytingum á lögum um tekjuskatt:

1) Afnema skattskyldu erlendra aðila á söluhagnað bréfa í íslenskum hlutafélögum.

2) Afnema skattskyldu erlendra aðila á hagnað af sölu hlutdeildarskírteina í verðbréfasjóðum og sérhæfðum sjóðum fyrir almenna fjárfesta.

3) Skýra ákvæði sem snýr að kaupréttum sprotafyrirtækja.

4) Afnema tímamörk á nýtingu rekstrartapa fyrri ára (í dag 10 ár).