Lyfjastofnun fylgir eftirfarandi upplýsingaöryggisstefnu.

Stefnan tekur til vinnslu, meðhöndlunar og vistunar allra upplýsinga og gagna í eigu eða vörslu stofnunarinnar. Stefnan tekur jafnframt til húsnæðis og búnaðar sem Lyfjastofnun á eða hefur umsjón með. Hún tekur mið af lögum og reglugerðum um persónuvernd, af upplýsingaöryggisstjórnunarstaðlinum ISO 27001 og er einnig í samræmi við reglur Persónuverndar nr. 299/2001 um öryggi persónuupplýsinga.

Stefna Lyfjastofnunar er að:

• Varðveita og hámarka öryggi upplýsinga m.t.t. leyndar, réttleika og tiltækileika

• Greina og fara eftir kröfum, lögum og reglugerðum sem eiga við um stjórnun upplýsingaöryggis

• Vanda til við skráningu upplýsinga og uppfæra eins og þörf er á

• Tryggja greiðan aðgang að upplýsingum og upplýsingakerfum til þeirra sem hafa rétt og þörf á

• Vernda upplýsingar og upplýsingakerfi gegn óheimilum aðgangi

• Stuðla að virkri öryggisvitund starfsfólks með fræðslu og þjálfun

• Vinna stöðugt að umbótum

• Tryggja stuðning stjórnenda með virkri rýni stjórnenda og setningu markmiða

• Beita áhættugrundaðri hugsun

• Tryggja virkt innra eftirlit

Upplýsingaöryggisstefnan er bindandi fyrir starfsfólk Lyfjastofnunar.

Gildistaka og endurskoðun

Stefnan er sett af forstjóra Lyfjastofnunar að fenginni tillögu frá gæða- og öryggisstjóra stofnunarinnar og samþykki framkvæmdaráðs. Stefnan gildir frá og með staðfestingu forstjóra sem kemur fram með samþykktarferli skjala stjórnunarkerfis.