Á fundi sérfræðinganefndarinnar var samþykkt að mæla með að fjórtán ný lyf fengju markaðsleyfi. Þar á meðal þau sem hér eru nefnd.

• Durveqtix (fidanacogene elaparvovec) ný genameðferð til að meðhöndla dreyrasýki B, sjaldgæfan og arfgengan sjúkdóm sem veldur þykknun blóðs. Lyfið hlaut jákvæða umsögn fyrir skilyrtu markaðsleyfi.

• Fluenz (veikluð inflúensuveira) sem er bóluefni á úðaformi gegn inflúensu, fyrir börn á aldrinum tveggja til sautján ára.

• Ixchiq (chikungunya veira); fyrsta bóluefnið á EES svæðinu til að verja fullorðna gegn sjúkdómi af völdum Chikungunya veirunnar en hún berst með sýktum moskítóflugum. Faraldur sjúkdómsins er í sumum hitabeltislöndum, en talið er að vegna loftslagsbreytinga geti hann farið að breiðast út víðar.

• Zegalogue (dasiglucagon), lyf við alvarlegum blóðsykurskorti hjá sjúklingum með sykursýki, sex ára og eldri. Sérfræðingar í klínísku teymi Lyfjastofnunar áttu þátt í mati á þessu lyfi sem hluti af fjölþjóðlegum hópi.

• Frétt EMA um CHMP fund í maí

• Dagskrá CHMP fundar í maí