FLIKK er internetmeðferð fyrir foreldra og aðra umönnunaraðila barna með kvíðavanda á aldrinum 5-12 ára. FLIKK stendur fyrir „ForeldraLausn og Internetmeðferð fyrir Kvíðna Krakka“

Markmiðið er að kenna foreldrum aðferðir til að hjálpa börnum sínum að ná tökum á kvíðavanda og auka aðgengi að árangursríkri meðferð.

Fyrirkomulag

Ef þú telur að barnið þitt sé að glíma við kvíða, er á aldrinum 5-12 ára og þú vilt fá aðstoð, þá getur þú skráð þig í rannsóknina. skraning.flikk.is.

• Við munum biðjum þig að svara nokkrum spurningum til að meta hvort meðferðin henti ykkur.

• Ef svörin benda til þess að barnið þurfi aðstoð, mun sálfræðingur á heilsugæslustöð hringja stuttlega í þig.

• Í símtalinu verður FLIKK útskýrt nánar og farið yfir hvort þið uppfyllið þátttökuskilyrðin.

• Foreldrar sem uppfylla skilyrðin fá síðan aðgang að FLIKK og úthlutað meðferðaraðila sem leiðir þau í gegnum meðferðina.

• Sálfræðingar barna á heilsugæslustöðvum sjá um meðferðina.

Meðferðin

• Samanstendur af sjö meðferðarhlutum sem foreldrar vinna á sínum tíma á netinu.

• Foreldrar fá vikuleg símtöl frá sálfræðingi á heilsugæslustöð meðan á meðferð stendur

• Eftirfylgd mánuði eftir að meðferð lýkur.

Um rannsóknarverkefni er að ræða sem unnið er í samvinnu við Háskólann í Reykjavík. Erlendar rannsóknir hafa sýnt fram á góðan árangur þessarar meðferðar.

Kostnaður: Námskeiðið er gjaldfrjálst

Nánari upplýsingar

• Tengiliður er Alda Ingibergsdóttir, leiðtogi sálfræðiþjónustu barna.

• Nánari upplýsingar á: FLIKK - Internetmeðferð við kvíðavanda barna.