Námskeið fyrir verðandi foreldra haldið á vegum Geðheilsumiðstöðvar barna. Allir verðandi foreldrar eru velkomnir með maka, vin eða stuðningsaðila.

Námskeiðið er tengslamiðað og fjallað verður um

• Áhrif reynslu foreldra úr eigin uppeldi

• Samskipti og tengslamyndun

• Þroska barna, grát þeirra og svefn

• Líðan foreldra í barneignaferli og parasamskipti

Heppilegur tími til að hefja námskeið er eftir 25. viku. Mikilvægt er að skuldbinda sig til að mæta í báða tímana.

Fyrirkomulag

Námskeiðið er tvö skipti, tvær klukkustundir í senn.

• Tími 1: Að eiga von á barni, barnið í móðurkviði og fyrstu vikurnar eftir fæðingu.

• Tími 2: Tjáning barnsins, foreldrahlutverkið og parasamskipti.

Kostnaður

• Námskeiðið er gjaldfrjálst fyrir verðandi foreldra.

Nánari upplýsingar

• Umsjón: Fríður Guðmundsdóttir, sálfræðingur og Soffía Bæringsdóttir, fjölskyldufræðingur

Hægt að fá frekari upplýsingar með því að senda tölvupóst á gmb@heilsugaeslan.is.