Leghálsskimun er rannsókn á leghálsi fyrir einkennalausa. Öllum með legháls á aldrinum 23 til 64 ára og hafa stundað kynlíf, er ráðlagt að mæta í skimun óháð kyni rekkjunauta.

Boðsbréf í skimun fyrir leghálskrabbameini

Boð í skimun eru send út til allra með legháls á aldrinum:

• 23 til 29 ára, á 3 ára fresti

• 30 til 64 ára, á 5 ára fresti

Tímapantanir

Þau sem hafa fengið boðsbréf geta:

• pantað tíma í skimun með símtali í heilsugæslu að eigin vali

• bókað tíma á mínum síðum Heilsuveru, ef búsettir á höfuðborgarsvæðinu

• mætt án tímabókunar í opið hús í leghálsskimun

Niðurstöður

Rafrænt svarbréf úr skimun er sent í gegnum Heilsuveru og Ísland.is þegar niðurstöður rannsóknar liggja fyrir.

Aðgengi fyrir hreyfihamlaða

Best aðgengi fyrir hreyfihamlaða er á heilsugæslustöðvum í Glæsibæ, Hamraborg, Höfða, Kirkjusandi, Mosfellsumdæmi, Seltjarnarnesi og Vesturbæ.

Frekari upplýsingar

• Skimun fyrir leghálskrabbameini á vef Heilsuveru

• Upplýsingar um skimun á vef Landlæknis

• Skimun fyrir leghálskrabbameini (.pdf) á ensku (.pdf), á pólsku(.pdf)