Stöðin verður lokuð miðvikudaginn 8. apríl á meðan starfsfólk færir sig í tímabundna aðstöðu á öðrum starfsstöðvum. Öll hefðbundin þjónusta fyrir utan síðdegisvaktir verður veitt þrátt fyrir lokun í Firði.

Þjónusta Heilsugæslunnar Firði verður veitt á eftirfarandi stöðum frá og með 9. apríl 2026:

• Meðgönguvernd og ung- og smábarnavernd verður staðsett í Heilsugæslunni Sólvangi, Sólvangsvegi 2, 220 Hafnarfirði (sjá kort).

• Þjónusta sálfræðinga verður veitt í Þönglabakka 1, 109 Reykjavík, 2. hæð (sjá kort).

• Öll önnur heilsugæsluþjónusta verður veitt í Heilsugæslunni Efra-Breiðholti, Hraunbergi 6, 111 Reykjavík (sjá kort) milli klukkan 8 og 16 alla virka daga.

Starfsfólk svarar öllum nánari spurningum um fyrirkomulag þjónustunnar í síma 513 5400 milli klukkan 8 og 16 alla virka daga. Ekki hika við að hafa samband ef þið eruð óviss um hvert þið eigið að mæta eða ef þið eruð með aðrar spurningar.

Við biðjumst velvirðingar á raskinu sem þessar tímabundnu breytingar hafa í för með sér og þeim óþægindum sem þetta kann að valda skjólstæðingum og öðrum sem sækja þjónustu á stöðina.

Frekari upplýsingar verða birtar á síðu stöðvarinnar.