Heilsugæsla höfuðborgarsvæðisins
Eftir tilvísun
Upplýsingar fyrir foreldra
Á þessarri síðu eru upplýsingar fyrir foreldra barna sem hefur verið vísað til sálfræðiþjónustu heilsugæslunnar. Þjónusta sálfræðings barna á heilsugæslu felur í sér ráðgjöf, mat og meðferð á vægum til miðlungs alvarlegum tilfinninga- og hegðunarvanda barna og unglinga að 18 ára aldri.
Matslisti
Til að hægt sé að leggja mat á vanda og viðeigandi þjónustu er fyrsta skrefið að fylla út matslistann hér að neðan. Þegar þú ert búin að fylla út matslistann fer sálfræðingur yfir niðurstöður og metur viðeigandi næstu skref.
Hægt er að vista listann í eigin tölvu, fylla út rafrænt, vista og senda í gegnum örugg gagnaskil. Einnig má prenta út listann, fylla út og skila í afgreiðsluna á heilsugæslunni þinni
Örugg gagnaskil (Signet transfer)
Veldu heilsugæslugæsluna þína úr listanum og skráðu þig inn með rafrænum skilríkjum
Næstu skref
Sálfræðingur metur upplýsingar á matslista.Að því loknu er haft samband við foreldra í síma eða með skilaboðum í Heilsuveru til að fara yfir niðurstöður, næstu skref og viðeigandi úrræði.
Virkur biðtími
Það getur verið bið eftir þjónustu sálfræðinga barna í heilsugæslu. Á meðan biðtíma stendur hvetjum við foreldra til að skoða „Bjargráð á biðtíma“ neðar á síðunni, sem inniheldur ýmis úrræði á biðtíma, gagnlegar upplýsingar, fræðslu- og sjálfshjálparefni. Á meðan biðtíma stendur er einnig hægt að hafa samband við heimilislækni.
Haft verður samband þegar komið er að ykkur á biðlistanum.
Í neyðartilfellum
Ef áhyggjur eru af öryggi barns og/eða sjálfsvígshætta er yfirvofandi er bent á:
Neyðarlínuna 112
Barnaspítala v/Hringbraut, sími 543-1000
Bráðamóttöku í Fossvogi, sími 543-2000
Barna- og unglingageðdeild Landspítala á dagvinnutíma, sími 543-4300