Fara beint í efnið

Lækkun tekjuskattsstofns

Heimilt er að sækja um lækkun á tekjuskattstofni við tilteknar aðstæður.

Umsókn um lækkun ber að skila með skattframtali og niðurstöðuna má nálgast á álagningarseðli sama ár en einnig á samskiptaþræði á vefsíðunni www.skattur.is

Lækkun á tekjuskattts- og útsvarsstofni er heimil þegar þannig er ástatt:

  • veikindi, slys, ellihrörleiki eða mannslát

  • veikindi/fötlun barns

  • framfærsla vandamanna

  • eignatjón

  • tapaðar kröfur

Umsóknin á að fylgja skattframtali en sé óskað eftir leiðréttingu á skattframtölum fyrri ára, þá er hægt að fylla út eftirfarandi eyðublað og óska eftir lækkun á tekjuskattstofni. Eyðublaðið og fylgigögn skal í þeim tilfellum senda á skatturinn@skatturinn.is

Umsókn um lækkun tekjuskattsstofns fyrri ára

Skilyrði fyrir lækkun er m.a. að lögð séu fram nauðsynleg gögn sem sýna fram á útlagðan kostnað. Á ofangreindri umsókn má sjá gögn sem þurfa að fylgja umsókn hverju sinni.

Nánari upplýsingar um lækkanir
Viðmiðunarreglur ríkisskattstjóra

Þjónustuaðili

Skatt­urinn