Gert er ráð fyrir að í fyrirhuguðu frumvarpi verði lagt til að bætt verði við lög um almannatryggingar nýju ákvæði til bráðbirgða þar sem kveðið verði á um sérstaka eingreiðslu í desember fyrir árið 2026 til tekjulægstu greiðsluþeganna samkvæmt lögum um almannatryggingar.

Þá er gert ráð fyrir að nýrri málsgrein verði bætt við nokkur ákvæði laganna þar sem kveðið verði á um heimild ráðherra til að ákveða í reglugerð að árlega séu greiddar orlofs- og desemberuppbætur til örorku-, hlutaörorku- og ellilífeyrisþega sem og sjúkra- og endurhæfingargreiðsluþega. Jafnframt er gert ráð fyrir að ráðherra verði heimilt að setja fram nánari skilyrði í reglugerð.