Umhverfis-, orku- og loftslagsráðuneytið hefur sett í samráð drög að stefnu stjórnvalda um uppbyggingu flutningskerfis raforku. Samkvæmt 39.gr.a. í raforkulögum skal endurskoða stefnu þessa á fjögurra ára fresti. Stefnunni er ætlað að vera leiðbeinandi og skilgreina þau markmið sem flutningsfyrirtækinu er ætlað að vinna að. Leggja línur um forgangsröðun og til hvaða sjónarmiða eigi að líta þegar fjölþætt markmið stangast á.

Stefna þessi hefur víðtæk áhrif, meðal annars á loftslagsskuldbindingar, atvinnustefnu, byggðastefnu og orkuöflunarstefnu.

Óskað er eftir því að athugasemdir við drögin berist eigi síðar en 19. ágúst nk.