Samkvæmt lögum nr. 30/2023 um stefnur og aðgerðaáætlanir á sviði innviða skal ráðherra leggja fram endurskoðaða byggðaáætlun á hverju kjörtímabili. Byggðaáætlun er lýsing á stefnu ríkisins í byggðamálum hverju sinni og samhæfing við aðra stefnumótun og áætlanagerð hins opinbera. Byggðaáætlun skal hafa að meginmarkmiði að jafna tækifæri allra landsmanna til atvinnu og þjónustu, jafna lífskjör og stuðla að sjálfbærri þróun byggðalaga um land allt. Sérstök áhersla skal lögð á svæði sem búa við langvarandi fólksfækkun, atvinnuleysi og einhæft atvinnulíf.

Vinna við endurskoðunina hófst haustið 2025 og grænbók, sem felur í sér stöðumat og greiningu á helstu áskorunum og tækifærum í málaflokknum, var lögð fram í samráðsgátt stjórnvalda í lok janúar 2026. Víðtækt samráð hefur verið viðhaft við endurskoðun byggðaáætlunar. Í hvítbókinni eru lagðar fram tillögur að 41 aðgerð. Aðgerðirnar eru fjölbreyttar snerta málefnasvið allra ráðuneyta.

Innviðaráðherra hyggst leggja fram þingsályktunartillögu um stefnumótandi byggðaáætlun á Alþingi haustið 2026.