Ráðuneytið birtir hér drög að reglugerð um vanhæfismörk við stjórn ökutækis vegna neyslu lyfja, sem eiga stoð í 6. mgr. 48. gr. umferðarlaga nr. 7//2019. Í drögunum er mælt fyrir um vanhæfismörk við stjórn ökutækis vegna neyslu ávísunarskyldra lyfja sem innihalda nánar tilgreind efni, þegar þeirra er neytt á grundvelli ávísunar læknis og í samræmi við fyrirmæli hans.

Drögin eru unnin að norskri fyrirmynd og styrkleiki efna í blóði er umreiknaður svo að hann samsvari magni vínanda í blóði. Í drögunum er miðað við styrkleika efna sem samsvarar 0,5‰ af vínanda í blóði.

Ökumönnum ber eftir sem áður að gæta að eigin ökuhæfni, sbr. 2. mgr. 48. gr. umferðarlaga og að þeir séu færir um að stjórna viðkomandi ökutæki örugglega.