Lög um Byggðastofnun eru frá 1999 og þarfnast lagfæringa við. Bæta þarf orðalag laganna sem er oft á tíðum ekki í samræmi við breytta tíma. Þannig eru atvinnuþróunarfélög ekki lengur til, heldur landshlutasamtök sveitarfélaga svo dæmi sé tekið. Þá vantar persónuverndarákvæði inn í lögin. Byggðastofnun er lánastofnun og ber að hafa stjórn og því verður ekki lagt til að stjórnin verði lögð niður en skoðað verður hvort rétt sé að fækka stjórnarmönnum. Þá verður lagt til að skerpt verði á sjálfstæði stofnunarinnar í póstmálum.