Með lögum um breytingar á ýmsum lögum vegna einföldunar og samræmingar leyfisferla á sviði umhverfis- og orkumála, sem samþykkt voru á Alþingi þann 27. mars sl. kom m.a. inn ný grein, 14. gr. a, í lög nr. 7/1998 um hollustuhætti og mengunarvarnir. Ákvæðið fjallar um tilkynningarskyldu vegna færanlegrar starfsemi um staðsetningu fyrirhugaðrar starfsemi og áætlaðan verktíma. Þá kemur fram í ákvæðinu að ráðherra er heimilt að setja í reglugerð nánari ákvæði um form og efni tilkynningar, þar á meðal um um tilkynningarfrest.

Með reglugerðarbreytingu á reglugerð nr. 550/2018 er sett inn ákvæði um form og efni slíkrar tilkynningar og kemur m.a. fram að tilkynning skal send eftirlitsaðila að jafnaði með fjögra vikna fyrirvara.