Reglugerð þessari er ætlað að gilda um endurgreiðslu ríkissjóðs á kostnaði sem fellur til vegna leiðsöguhunds þegar notandi hans, með lögheimili á Íslandi, ferðast erlendis með hundinn. Ákvæði reglugerðarinnar ná til leiðsöguhunda sem Sjónstöðin hefur úthlutað sem hjálpartæki á grundvelli 8. gr. a laga um Sjónstöðina, nr. 160/2008, og reglugerðar nr. 233/2010.

Markmið reglugerðarinnar er að tryggja að kostnaður sem fellur til vegna leiðsöguhunda þegar notendur þeirra ferðast erlendis, og er tilkominn vegna skilyrða sem mælt er fyrir um í reglugerðum Matvælastofnunar um innflutning hunda og katta, nr. 200/2020, og um einangrun og einangrunarstöðvar fyrir gæludýr, nr, 201/2020, falli ekki á notendur sjálfa, heldur greiðist úr ríkissjóði eftir því sem nánar greinir í reglugerðardrögunum.