Samkvæmt reglugerð um skráningu, eftirlit og umsjón með lyftum og lyftubúnaði til fólks og vöruflutninga, nr. 54/1995, skal eigandi eða sá sem hefur með höndum rekstur lyftu gera þjónustusamning við viðurkenndan umsjónarmann (þjónustuaðila) um eftirlit, viðhald og viðgerðir viðkomandi lyftu. Tíðni eftirlits og fyrirkomulag skal tilgreint í samningi, en þó skal gera ráð fyrir að umsjónarmaður þjónusti lyftuna minnst fjórum sinnum á ári. Því til viðbótar er gert ráð fyrir að Vinnueftirlit ríkisins sjái um að árlega sé framkvæmd skoðun á öllum lyftum.

Bent hefur verið á að tíðni eftirlits með hjólastólalyftum geti valdið miklum kostnaði, ekki síst fyrir þá einstaklinga sem þurfa á slíkum lyftum að halda á heimilum sínum. Í reglugerðardrögunum er því lagt til að nægilegt verði að í samningi sé gert ráð fyrir að lyfta sé þjónustuð af þjónustuaðila einu sinni á ári þegar um er að ræða hjólastólalyftu. Þá er lagt til að nægilegt verði Vinnueftirlitið skoði slíkar lyftur annað hvert ár.