Megintilgangur frumvarpsins er að samræma ákvæði 44. gr. laga um útlendinga, er varða dvalarleyfi einstaklinga sem dvelja hér á landi á grundvelli sameiginlegrar verndar vegna fjöldaflótta, við löggjöf og framkvæmd Evrópusambandsins, auk þess sem miðað er við sambærilega framkvæmd í Noregi og Danmörku. Verði ekki ráðist í lagabreytingar mun verulegur fjöldi einstaklinga sem nú dvelja hér á landi á grundvelli fjöldaflótta öðlast, í mars 2027 eða þegar stríðinu í Úkraínu lýkur, rétt til dvalarleyfis á grundvelli mannúðarsjónarmiða og að liðnu einu ári með slíkt leyfi rétt til ótímabundins dvalarleyfis. Slík þróun myndi leiða til þess að íslensk framkvæmd yrði frábrugðin samræmdri áætlun sem unnið er að á vettvangi Evrópusambandsins.

Þá eru gerðar breytingar á ákvæði laganna varðandi skipan Flóttamannanefndar sem verður framvegis á ábyrgðarsviði dómsmálaráðherra.