Breytingarnar eru lagðar fram af fenginni reynslu og í samræmi við áherslur ráðherra. Markmiðið er að tryggja skilvirka og örugga þjónustu fyrir neytendur og efla eftirlit með leigubifreiðaþjónustu.

Helstu breytingar eru eftirfarandi:

• Leigubifreiðar verða auðkenndar með sérstöku skráningarmerki.

• Leyfishafa ber að upplýsa Samgöngustofu ef úrskurðaraðilar (s.s. Neytendastofa, áfrýjunarnefnd neytendamála) komast að þeirri niðurstöðu að hann hafi brotið lög eða reglur. Samgöngustofu er þá jafnframt falið að meta hvort í því felist einnig brot á lögum um leigubifreiðaakstur.

• Samgöngustofa ber að framkvæma árlegt eftirlit með leyfishöfum, koma upp sérstöku áhættumatskerfi og sinna frekara eftirliti á grundvelli þess.

• Samgöngustofa er falið að gera árlega skýrslu um framkvæmd eftirlits.

• Leyfishafa sem hlaut leyfi til aksturs eftir gildistöku núgildandi laga verður gert að þreyta próf við endurnýjun réttinda sinna.

• Próftaka fer fram án utanaðkomandi aðstoðar.

• Samgöngustofa ber að hafa árlegt eftirlit með viðurkenndum námskeiðshöldurum.

• Leigubifreiðastöðvar eiga að setja og birta eigin hátternisreglur. Þeim ber einnig að halda rafræna atvikaskrá um frávik í starfsemi, brot á lögum og kvartanir neytenda.

• Ítarlegri kröfur um framsetningu á verðskrá í leigubifreiðum.

• Leigubifreiðastöðvar skulu halda rafræna skrá yfir allar seldar ferðir og upplýsingar úr skulu vera eftirlitsaðilum aðgengilegar í rauntíma í gegnum örugga vefgátt.