Markmið lagasetningarinnar er að tryggja að ákvæði laganna samræmist tilskipun ESB nr. 2009/72/EB hvað varðar kröfur gagnvart sjálfstæði Raforkueftirlits.

Með lögum nr. 220/2024 voru gerðar breytingar á raforkulögum nr. 65/2003 í þeim tilgangi að treysta formlegt sjálfstæði Raforkueftirlitsins.

Þörf er á frekari breytingum til að festa í sessi sjálfstæði Raforkueftirlitsins við framkvæmd verkefna sem tilskipun 2009/72/EB kveður á um að séu á hendi sjálfstæðs eftirlitsstjórnvalds. Tryggja þarf að löggjöfin bindi ekki hendur Raforkueftirlitsins við framkvæmd þeirra verkefna. Meðal annars er um að ræða ákvæði sem varða setningu tekjumarka og samþykki á gjaldskrám sérleyfisfyrirtækja, þ.e. Landsnet og dreifiveitur.

Áform þessi eru opin til samráðs til 29. janúar 2026.