Reglugerð þessi fjallar um Fasteignasjóð Jöfnunarsjóð sveitarfélaga sem hefur það hlutverk að jafna aðstöðu sveitarfélaga við uppbyggingu eða breytingar á fasteignum sem nýttar eru í þjónustu við fatlað fólk með miklar og/eða sértækar stuðningsþarfir svo dæmi sé tekið.

Helstu breytingar frá núverandi reglugerð er að núverandi drög að reglugerð heimilar Fasteignasjóði að úthluta framlagi vegna kaupa og uppsetninga á lyftu í húsnæði í eigu sveitarfélaga eða þar sem um er að ræða byggingar í eigu annarra aðila en sveitarfélaga þar sem um samvinnuverkefni sveitarfélaga og einkaaðila er að ræða. Þar nemur framlag Fasteignasjóðs allt að 50% eða að hámarki 5.000.000 kr.

Aðrar útfærslur lúta að breytingum að uppfærslu fermetraverðs í samræmi við breytingar á mældri vísitölu byggingakostnaðar, reiknaðri í nóvember 2025, þannig að í stað þess að í d-lið 2. gr. reglugerðarinnar sé miðað við að byggingarkostnaður fari ekki fram úr 540.000 kr. á hvern fermetra, þá verði miðað við að byggingarkostnaður fari ekki fram úr 650.000 kr. á hvern fermetra. Þá er kostnaðarþátttaka Fasteignasjóðs hækkuð úr 25% í 30%. Í e-lið 2. gr. er lögð til sú breyting að kostnaðarþátttaka verði tilgreind sérstaklega til að auka skýrleika.

Í ljósi nýrra laga um jöfnunarsjóð var ákveðið að endurútgefa reglugerðina.