Markmið frumvarpsins er aukið samræmi eftirlits, einföldun og skilvirkni, en fyrir liggja greiningar og skýrslur sem sýna skort á samræmi, skýrri ábyrgð og yfirstjórn eftirlits, en umhverfis-, orku- og loftslagsráðherra og atvinnuvegaráðherra kynntu áform um einföldun regluverks þann 2. sept. sl., sjá hér: https://www.stjornarradid.is/efst-a-baugi/frettir/stok-frett/2025/09/02/Storfelld-einfoldun-regluverks-ur-ellefu-eftirlitsadilum-i-tvo/

Helstu breytingar frumvarpsins eru að ábyrgð á eftirliti með hollustuháttum og mengunarvörnum verður færð frá heilbrigðiseftirliti til Umhverfis- og orkustofnunar. Útgáfa starfsleyfis verður miðlæg á vegum fyrrgreindrar stofnunar.

Það athugast að fyrirhugað er að samhliða framlagningu frumvarpsins verði lagt fram frumvarp frá atvinnuvegaráðuneyti vegna einföldunar regluverks og aukinnar skilvirkni eftirlits með matvælum.