Í júní 2025 skilaði starfshópur á vegum heilbrigðisráðherra skýrslu með tillögum að bættri talmeinaþjónustu við börn. Tillögur hópsins byggja á því að þjónustan við börn verði veitt á þremur stigum í samræmi við lög um samþættingu þjónustu í þágu farsældar barna, nr. 86/2021 og miða að því að tryggja snemmtækan stuðning, einfaldara þjónustuferli og að þjónustan fari sem mest fram í nærumhverfi barnsins. Tillögur starfshópsins voru kynntar fyrir bæði heilbrigðisráðherra og mennta- og barnamálaráðherra og var niðurstaða beggja ráðherra að gera sameiginlega aðgerðaáætlun til að undirstrika sameiginlega ábyrgð á málaflokknum og mikilvægi samþættingar í þjónustu innan málaflokksins. Aðgerðaáætlunin var unnin í heilbrigðisráðuneyti og mennta- og barnamálaráðuneyti á tímabilinu september-desember 2025, og er áætlunin til tveggja ára (2026-2028).

Áætlunin skiptist í fjóra kafla:

1. Þjónustuveiting.

2. Samræmd umgjörð þjónustu.

3. Mönnun til framtíðar.

4. Ábyrgðarskipting.