Frumvarpsdrögin eru að miklu leyti samhljóma frumvarpi sem lagt var fram á Alþingi á 156. löggjafarþingi (þskj. 289, 257. mál.) en þó með breytingum. Helstu breytingarnar eru tilgreindar í 3.8.1. kafla greinargerðarinnar en þær eru m.a. ákvæði um ávísanaheimild lyfjafræðinga á undanþágulyf, heimild til útvíkkunar á ávísanaheimild hjúkrunarfræðinga og ljósmæðra, breytingar á gjaldtökuheimildum laga um lækningatæki, nr. 132/2020, eftirlitsgjald skv. 90. gr. lyfalaga gert að lögbundnu framlagi til Lyfjastofnunar og aðrar margþættar breytingar vegna gagnagrunna og kerfa á sviði lyfjamála.

Ítarlega umfjöllun má finna í greinargerð frumvarpsdraganna um þær breytingar sem þar eru lagðar til.

Meðfylgjandi er einnig breytingaskjal sem sýna þær breytingar sem frumvarpsdrögin leggja til að gerðar séu á lyfjalögum, nr. 100/2020.

Sjá hér frumvarp sem lagt var fram á Alþingi á 156. löggjafarþingi (þskj. 289, 257. mál.) https://www.althingi.is/altext/156/s/0289.html