Framkvæmd hefur leitt til gruns um að bakgrunnsgildi nokkurra þungmálma í íslenskum jarðvegi geti verið enn hærri en upplýsingar lágu fyrir þegar reglugerðin var sett. Á það fyrst og fremst við um vanadíum, en einnig kóbalt og kopar.

Reykjavíkurborg og EFLA verkfræðistofa framkvæmdu sýnatökur og efnagreiningar á óröskuðum jarðvegi fyrir utan höfuðborgarsvæðið vorið 2025. Niðurstöður rannsóknarinnar gefa til kynna að styrkur vanadíums, kóbalts og kopars í óröskuðum, íslenskum jarðvegi geti verið hærri en viðmiðunarmörk í viðauka reglugerðar um mengaðan jarðveg og hærri en almennt er í jarðvegi á meginlandi Evrópu og í Skandinavíu.

Í ljósi framangreinds eru lagðar til rýmkanir á viðmiðunarmörkum vanadíums, kóbalts og kopars. Einnig eru lögð til viðmiðunarmörk fyrir PFAS 4, að PAH16 sé mælt í stað PAH10, ný viðmiðunargildi varðandi jarðolíu og að króm 6 verði bætt við reglugerðina. Horft er til danskra og sænskra viðmiðunargilda, en PFAS 4 og króm6 verði aðeins mælt þegar grunur liggur á að mengun geti verið til staðar.