Áformað er að stuðla að markvissum stuðningi við nýsköpunarfyrirtæki. Horft verður til tillagna OECD og AGS. Þá er markmiðið að skýra og skerpa á ákvæðum, s.s. að því er varðar hvaða kostnaður teljist sannanlega rannsóknar- og þróunarkostnaður, eignarhald (innlent/erlent) sem og eignarhald hugverkaréttinda. Horft verður til sjónarmiða um viðskipti milli tengdra aðila og reglna/skilgreininga að því er varðar félög í fjárhagsvanda. Þá verður horft til EES réttar um stuðning við nýsköpunarfyrirtæki (GBER undanþágureglugerðin). Endurskoðun laganna verður áfangaskipt og verður í þessum áfanga unnið að bættri lagaumgjörð um framkvæmd, umgjörð og skilyrði stuðningsins.