Þau úrlausnarefni sem hér eru til umfjöllunar eru í meginatriðum fjórþætt og varða í fyrsta lagi rafrænar undirritanir ráðherra og forseta Íslands á vettvangi ríkisráðs sem fyrirhugað er að setja skorður um, í öðru lagi fyrirkomulag á greiðslum til handhafa forsetavalds sem gert er ráð fyrir að breytingar verði gerðar á til lækkunar, í þriðja lagi heimild til ráðningar sérstaks aðstoðarmanns sitjandi forseta með tilteknum frávikum frá almennum reglum um opinbera starfsmenn, svo sem um auglýsingaskyldu og ráðningarlok, og í fjórða lagi launaákvörðun forsetaritara, til samræmis við almennt fyrirkomulag launaákvörðunar aðila sem áður heyrðu undir kjararáð.