Meginefni fyrirhugaðs frumvarps mun fela í sér nauðsynlegar breytingar á ýmsum lögum sem flest eru á sviði skatta og gjalda. Áformað frumvarp mun hafa áhrif á bæði einstaklinga og lögaðila en meðal markmiða þess verður m.a. aukin skilvirkni í framkvæmd.

Breytingar í tengslum við eftirfarandi eru m.a. fyrirhugaðar:

• Réttur aðila samkvæmt útgöngusamningi Bretlands úr Evrópusambandinu og Evrópska efnahagssvæðinu verði tryggður í lögum um tekjuskatt, nr. 90/2003, m.a. að því er varðar barnabætur.

• Bráðabirgðaákvæði LXVII í lögum um tekjuskatt, nr. 90/2003, sem kveður á um hærra hlutfall og fjárhæð frádráttar einstaklinga vegna hlutabréfakaupa, framlengt um tvö ár.

• Frestur til greiðslu á innviðagjaldi lengdur úr 7 dögum í 15 daga.

• Framlenging á ákvæði til bráðabirgða EE í búvörulögum, nr. 99/1993, um tímabil lægri tolla á grænmeti.

• Happdrætti Háskóla Íslands verði undanþegið skattskyldu af fjármagnstekjum.

• Hækkun á fjárhæð frítekjumarks barna.

• Mat á virði hlutabréfa til ákvörðunar erfðafjárskatts.

• Styrking ákvæða um gjalddaga og álagningu áfengis-, tóbaks- og nikótíngjalds hjá tollfrjálsum verslunum.

• Framlenging á bráðabirgðaheimild til að reka blandaða tollvörugeymslu.

• Niðurlagning eftirlitsnefndar með framkvæmd viðbótar- og stuðningslána til fyrirtækja sem orðið hafa fyrir verulegu tekjutapi vegna heimsfaraldurs kórónuveiru.

• Heimild til beitingar verndarráðstafana.