Áform um breytingar á lögum nr. 85/2011 um nálgunarbann og brottvísun af heimili með það að markmiði að styrkja réttarstöðu og auka vernd brotaþola, sérstaklega þeirra sem mega þola heimilisofbeldi og umsáturseinelti. Þá er breytingunum ætlað að sporna gegn endurteknum brotum gegn nálgunarbanni og/eða brottvísun af heimili og koma til móts við þær áskoranir sem lögregla og ákæruvald hafa staðið frammi fyrir hvað varðar sönnun á brotum gegn nálgunarbanni og/eða brottvísun og viðurlögum þeim tengdum.