Með ákvörðun sameiningulegu EES- nefndarinnar nr. 22/2023 frá 3. febrúar 2023 um breytingu á XI. viðauka ( Rafræn fjarskipti, hljóð- og myndmiðlun og upplýsingsamfélagið) og bókun 37 (sem inniheldur skrána sem kveðið er á um í 101. gr.) við EES- samninginn var reglugerð Evrópusambandsins nr. 2019/881 felld inn í EES- samninginn.

Reglugerð nr. 2019/881 varðar Netöryggisstofnun Evrópusambandsins (ENISA), um netöryggisvottun upplýsinga- og fjarskiptatækni og um niðurfellingu reglugerðar (ESB) nr. 526/2013 (gerð um netöryggi) – (e. Cybersecurity Act).

Tilefni áforma þessara er að innleiða framangreinda reglugerð inn í íslenskan rétt.

Meginmarkmið reglugerðar ESB nr. 2019/881 er annars vegar að tryggja Netöryggisstofnun Evrópusambandsins, sem í daglegu tali er kölluð ENISA, varanlegan starfsgrundvöll og efla starfsemi hennar á sviði netöryggis. Hins vegar er markmið reglugerðarinnar að koma á fót samræmdu evrópsku vottunarferli fyrir vörur, þjónustu og ferla á sviði upplýsinga- og fjarskiptatækni (e. Information and Communication Technology – ICT), til þess m.a. að vernda aðgengi, réttleika eða leynd gagna eða tendrar virkni eða þjónustu sem boðið er upp á með slíkum vörum, þjónustu eða ferlum.