Breytingar þær sem fyrirhugaðar eru snúa fyrst og fremst að vernd fjarskiptatrengja í sjó, fjarskiptatíðnir fyrir neyðar- og öryggisfjarskipti og vernd persónuupplýsinga. Aðrar breytingar á fjarskiptalögum má telja til lagfæringa vegna samfélagsbreytinga og til að auka skýrleika laganna.

Ísland hefur þegar innleitt viðeigandi ákvörðun frá Evrópsku fjarskiptaráðstefnunni (ECC), nánar tiltekið ECC/DEC(22)06 og fylgir einnig ECC/REC/22)01, sem skilgreina tíðnisviðið 20,5-43,5 GHz fyrir Mobile/Ficed Communication Networks (MFCN). Ísland þarf að innleiða framkvæmdaákvörðun framkvæmdastjórnarinnar (ESB) 2024/1983 fyrir úthlutun á tíðni 40,5-43,5 GHz fyrir jarðbundin fjarskiptakerfi sem veita þrálausar breiðbands fjarskiptaþjónustur í Evrópusambandinu. Því þarf að breyta lögum um Fjarskiptastofnun og bæta nýrri gjaldtökuheimild inn í lögin til innheimtu auðlindagjalds fyrir úthlutun tiltekinna tíðnisviða, sem flest liggja hátt í tíðnirófinu.