Lagt er til að breytingar verði gerðar á lögum um Schengen-upplýsingakerfið til að innleiða reglugerð (ESB) um breytingu á reglugerð (ESB) 2018/1862 að því er varðar innfærslu upplýsingaskráningar í Schengen-upplýsingakerfið um ríkisborgara þriðju landa í þágu Sambandsins. Með breytingunum verður heimilt að skrá upplýsingar um ríkisborgara þriðju ríkja sem tengjast hryðjuverkum eða öðrum alvarlegum afbrotum samkvæmt gögnum sem þriðju ríki eða alþjóðastofnanir veita Löggæslusamvinnustofnun Evrópu. Beiðni þarf að berast frá Löggæslusamvinnustofnun Evrópu um skráningu og verður einungis heimilt að skrá upplýsingar í kerfið að undanfarinni greiningu og sannprófun gagnanna. Innleiðing reglugerðarinnar er liður í alþjóðlegum skuldbindingum Íslands sem þátttakanda í Schengen-samstarfinu.