Breytingarnar snúa að námskeiðum fyrir þá sem stunda húðrof, og er lagt til að Umhverfis- og orkustofnun verði heimilt að viðurkenna námskeið sem þau sem stunda húðrof hafa sótt, þ.e. önnur námskeið en þau sem reglugerðin kveður sérstaklega á um, að krafa verði gerð um endurmenntun þeirra sem stunda húðrof á fimm ára fresti, og að þeir sem starfa við húðrof þurfi ekki að framvísa skírteini um að hafa staðist hæfnispróf fyrr en 1. janúar 2026.

Þá er lagt til að sett verði inn ákvæði sem kveður á um að breyting á rekstraraðila starfsleyfis að rekstri sem heyrir undir reglugerðina krefst ekki auglýsingar.