Með lögum um evrópska langtímafjárfestingarsjóði, nr. 115/2022, voru ákvæði reglugerðar (ESB) 2015/760 um evrópska langtímafjárfestingarsjóði innleidd. ELTIF-sjóðir eru ætlaðir til langtímafjárfestinga til ýmissa verkefna á sviði t.a.m. innviða, óskráðra fyrirtækja og skráðra fyrirtækja undir ákveðnum stærðarmörkum. Reglugerð (ESB) 2023/606 breytir reglugerð (ESB) 2015/760. Helstu breytingarnar eru í tengslum við fjárfestingarheimildir ELTIF-sjóða, fækkun hindrana fyrir almenna fjárfesta til að fjárfesta í slíkum sjóðum og að mæla fyrir um möguleika til sölu á fjárfestingu í ELTIF-sjóði áður en líftíma sjóðs lýkur.

Reglugerðin tók gildi innan Evrópusambandsins 10. janúar 2024. Unnið er að upptöku gerðarinnar EES-samninginn.

Lagðar eru til breytingar á lögum um evrópska langtímafjárfestingarsjóði, nr. 115/2022, til innleiðingar á reglugerðinni.