Lögð er til breyting á 117. gr laga um rekstraraðila sérhæfðra sjóða, nr. 45/2020, til breytingar á núgildandi reglusetningarheimild Seðlabanka Íslands. Þá eru lagðar til breytingar á reglusetningarheimildum 26., 100., 127.-129. og 134. gr. laga um verðbréfasjóði, nr. 116/2021, til að laga samræmi við reglusetningarheimildir í UCITS-tilskipuninni og til að gæta samræmis við þá verkaskiptingu sem fjármála- og efnahagsráðuneytið og Seðlabankinn hafa viðhaft við innleiðingu Evrópugerða í íslenskan rétt með stjórnvaldsfyrirmælum. Settar hafa verið reglugerðir framkvæmdastjórnar (ESB) 2024/910, (ESB) 2014/912 og (ESB) 2024/913 sem fyrirhugað er að verði innleiddar í íslenskan rétt með stjórnvaldsfyrirmælum.