Áformað er að leggja fram frumvarp þar sem m.a. verða lagðar til breytingar á lögum um virðisaukaskatt, nr. 50/1988 vegna breytinga á tollskrá og lögum um umhverfis- og auðlindaskatta, nr. 129/2009 af sömu ástæðu. Í frumvarpinu verður einnig lagt til að auka við heimildir tollyfirvalda til að leita í farangri farþega að honum fjarstöddum og skýra nánar ákvæði í tollalögum um tilkynningarskyldu og viðurlög vegna flutnings á reiðufé á milli landa. Tilefnið eru kröfur og tilmæli FATF, alþjóðlegs fjármálaaðgerðarhóps ríkja um aðgerðir gegn peningaþvætti og fjármögnun hryðjuverka. Jafnframt er lagt til að felld verði úr gildi ákvæði í tollalögum er varða verðjöfnunargjald samkvæmt búvörulögum nr. 99/1993, enda er ekki kveðið lengur á um slíkt gjald í búvörulögum. Að lokum er með frumvarpinu fyrirhugað að gera breytingar á inntaki c-liðar 5. athugasemdar við 4. kafla tollskrárinnar, sem er viðauki við tollalög, nr. 88/2005. Um er að ræða innleiðingu á túlkun Alþjóðatollstofnuninni (WCO) á samhljóða athugasemd í tollanafnaskrá stofnunarinnar.