Til umsagnar
7.–21.2.2025
Í vinnslu
22.2.2025–
Samráði lokið
Mál nr. S-24/2025
Birt: 7.2.2025
Fjöldi umsagna: 5
Drög að frumvarpi til laga
Dómsmálaráðuneytið
Almanna- og réttaröryggi
Breytingar á lögum er varða móttöku og vinnslu upplýsinga um farþega og áhöfn af hálfu lögreglu og tollyfirvalda í löggæslutilgangi.
Frumvarp þetta felur í sér breytingar á lögum um landamæri nr. 136/2022, lögreglulögum nr. 90/1996 og tollalögum nr. 88/2005, að því varðar afhendingu og vinnslu upplýsinga um farþega og áhöfn. Rekja má tildrög frumvarpsins til fyrirhugaðs samnings íslenskra stjórnvalda við Evrópusambandið um afhendingu á svokölluðum PNR gögnum, þ.e. farþegabókunargögnum úr flugi til landsins. Markmið samningsins er annars vegar að gera flugfélögum og öðrum flytjendum sem skráðir eru í aðildarríkjum Evrópusambandsins kleift að afhenda íslenskum yfirvöldum farþegaupplýsingar með því að kveða á um tiltekin skilyrði fyrir vinnslu þeirra. Hins vegar er samningnum ætlað að tryggja samstarf íslenskra löggæsluyfirvalda við systurstofnanir innan aðildarríkjanna á sviði greininga á farþegaupplýsingum.
Frumvarpið er forsenda þess að unnt verði að fullgilda samninginn og þar með tryggja að íslensk yfirvöld fái afhentar upplýsingar um alla farþega sem koma til landsins. Frumvarpið mun þannig styrkja og efla getu lögreglu til greininga slíkra upplýsinga sem er mikilvægur liður í því að koma í veg fyrir og rannsaka alvarleg afbrot, þar á meðal skipulagðra brotastarfsemi og mansal.
Umsagnir voru birtar jafnóðum og þær bárust. Skoða umsagnir.
Skrifstofa almanna- og réttaröryggis
kjartan.olafsson@dmr.is