Gert er ráð fyrir að í frumvarpinu verði lagt til að réttur til fæðingarorlofs, sem og réttur til fæðingarstyrks, vegna fjölburafæðinga verði aukinn þannig að foreldrar eigi sameiginlegan rétt á lengingu fæðingarorlofs um sex mánuði fyrir hvert barn umfram eitt sem fæðist lifandi. Einnig er gert ráð fyrir að lagt verði til að foreldrar sem frumættleiða eða taka í varanlegt fóstur fleiri börn en eitt á sama tíma eigi sameiginlegan rétt á lengingu fæðingarorlofs eða greiðslu fæðingarstyrks um sex mánuði fyrir hvert barn umfram eitt.

Þá er gert ráð fyrir að lagt verði til að heimilt verði að lengja fæðingarorlof foreldris sem fætt hefur barn um allt að tvo mánuði vegna alvarlegra veikinda foreldrisins í tengslum við meðgönguna, enda verði veikindin rakin til meðgöngunnar og foreldrið hafi af þeim völdum verið ófært um að annast barn sitt í fæðingarorlofi