Fyrirhugað er að leggja fram frumvarp til laga þar sem gerðar verða breytingar á gildandi lögum um fæðingar- og foreldraorlof, nr. 144/2020. Fyrirhuguðum breytingum er ætlað að bregðast við athugasemdum Eftirlitsstofnun EFTA (ESA) vegna innleiðingar á reglugerð (EB) nr. 883/2004, um samræmingu almannatryggingarkerfa. Markmiðið með frumvarpinu er að koma til móts við foreldra sem starfa á innlendum vinnumarkaði en hafa starfað í öðru ríki á viðmiðunartímabili tekna samkvæmt lögum um fæðingar- og foreldraorlof, nr. 144/2020.