Með drögunum er gert ráð fyrir að heimilt verði að aka hér á landi vörubifreiðum sem eru allt að 12,50 metrar að lengd. Er það að því gefnu að Samgöngustofa fallist á umsókn viðkomandi aðila um aukna lengd, til dæmis, sökum sérstakrar þarfar á lengra ökutæki vegna eðlis flutningastarfsemi, fyrirhuguðum flutningi, skorts á hentugum bifreiðum eða sérstökum ávinningi af aukinni lengd. Frekari skilyrði eru þá tilgreind.

Með því er flutningsaðilum gefinn kostur á aukinni lengd að nánari skilyrðum uppfylltum og með því um leitast við að tryggja að breytingunum muni ekki fylgja neikvæð áhrif á öryggi, afköst, umhverfi eða fjárhagslega hagkvæmni vegakerfisins hverju sinni.