Umhverfis,- orku- og loftslagsráðuneytið kynnir skýrslu um kolefnismarkaði sem unnin var af starfshópi sem var skipaður af umhverfis-, orku- og loftslagsráðherra. Tilgangur skýrslunnar er að greina stöðu kolefnismarkaða hér á landi, kanna tækifæri fyrir íslensk fyrirtæki á þessum mörkuðum og meta hvort íslensk stjórnvöld gætu nýtt sér kolefnismarkaði til að uppfylla alþjóðlegar skuldbindingar í loftslagsmálum. Meginþungi skýrslunnar er lagður á valkvæða kolefnismarkaðinn, sem hefur þróast hratt á undanförnum árum.