Lagt til að kveða nánar á um heimildir til að ákveða að tiltekinn hluti af afla skips reiknist ekki til aflamarks skips skv. 9. og 10. mgr. 11. gr. laga um stjórn fiskveiða. Þá er einnig lagt til að hægt verði að verja fé úr Verkefnasjóði sjávarútvegsins til verkefna fræðslu- og viðbragðsaðila leitunar og björgunar á sjó, auk þess sem nú er til rannsókna og nýsköpunar á sviði sjávarútvegs og til eftirlits með fiskveiðum.