Ráðuneytið áformar að fella brott 10. gr. laga um slysatryggingar almannatrygginga (sjúkrahjálp). Valdi bótaskylt slys sjúkleika og vinnutjóni í minnist 10 daga skal, samkvæmt ákvæðinu, greiða nauðsynlegan kostnað vegna lækningar hins slasaða og tjóns á gervilimum eða hjálpartækjum. Eru lyf, gervilimir eða svipuð hjálpartæki og sjúkraþjálfun t.a.m. greidd að fullu.

Með frumvarpinu er leitast við að draga úr tímafrekri vinnu við umsýslu Sjúkratrygginga vegna umsókna um tiltölulega lágar bótafjárhæðir. Þá hefur greiðsluþátttaka hins opinbera tekið miklum breytingum frá því sjúkrahjálp tók gildi og stæði hið opinbera straum af verulegum hluta þess kostnaðar sem um ræðir í gegnum almenna greiðsluþátttöku. Upplýsingar sem ráðuneytið aflaði bera með sér að flestir sjúkratryggðir hafi snertingu fyrir greiðsluþátttökukerfið og myndu þannig greiða lægri fjárhæð fyrir heilbrigðisþjónustu en sem nemur hámarksgjald (um 35 þús. kr. á mánuði) þann mánuð sem slys á sér stað. Ferðakostnaður yrði t.d. greiddur að fullu og styrkir vegna ýmissa hjálpartækja nema 70% af kostnaði. Frekari upplýsingar eru í áformaskjali.