Heildarendurskoðun gildandi laga um geislavarnir, nr. 44/2002, hefur staðið yfir frá árinu 2022, en lögin eru komin til ára sinna og þarfnast mörg ákvæðanna endurskoðunar. Markmiðið með endurskoðuninni er einnig að færa lögin nær öryggiskröfum Alþjóðakjarnorkumálastofnunarinnar sem við eiga hér á landi og hins vegar að færa framkvæmd laganna nær löggjöf þeirra landa sem Ísland ber sig gjarnan saman við.