Með frumvarpinu er mælt fyrir um hlutverk NLSH ohf. sem fær jafnframt nýtt nafn eða Fasteignir sjúkrahúsa ohf. enda munu verkefni félagsins ekki einskorðast við Landspítalann sem slíkan þó þau verkefni munu áfram vega þyngst í starfsemi félagsins a.m.k. næstu ár. Félagið mun því byggja áfram á núverandi grunni NLSH ohf. þó að nafni þess sé breytt og að það annist jafnframt undirbúning og framkvæmd bygginga þar sem þriðja stigs heilbrigðisþjónusta er veitt í samræmi við ákvarðanir stjórnvalda. Í frumvarpinu er kveðið nánar á um tilgang og markmið félagsins sem snýr að utanumhaldi og uppbyggingu slíkra bygginga. Í frumvarpinu eru einnig að finna ákvæði um eignaumsýslu, stjórn, heimildir til samningagerðar og stofnunar dótturfélaga sem taka mið af öðrum sambærilegum lögum, t.a.m. lögum heimild til að stofna opinbert hlutafélag um uppbyggingu samgönguinnviða á höfuðborgarsvæðinu nr. 81/2020.