Lagðar eru til breytingar á 19. gr., 20. gr., 21. gr., 22. gr., 23. gr., 24. gr., 38. gr. og 39. gr. reglugerðarinnar.

Breytingarnar á reglugerðinni eru tilkomnar vegna samkomulags um samræmdar leikreglur strandríkja varðandi framkvæmd vigtunar, skráningar og eftirlits með uppsjávarstofnum (makríl, kolmunna og norsk íslenskri vorgotssíld), svokallað ,,Stand alone Agreement“. Löndin sem standa að samkomulaginu eru Ísland, Noregur, ESB, Færeyjar, Grænland og Bretland.

Ísland uppfyllir nú þegar flestar þær reglur sem fram koma í samkomulaginu, sem kveður á um að samningsaðilar þurfi að uppfylla ákvæði samkomulagsins fyrir 1. janúar 2026.

Við breytingar á reglugerð nr. 745/2016 um vigtun og skráningu sjávarafla hafa ákvæði um heimavigtun á bolfiski verið felld út og gert ráð fyrir að heimavigtun á bolfiski verði því óheimil.

Það er hagur allra strandríkja að hafa sameiginlegar reglur, sérstaklega hvað varðar vigtun og skráningu afla til aflamarks.