Ráðuneytið vinnur að verkefni með Orkustofnun, Umhverfisstofnun og ytri ráðgjöfum sem snýst um skilvirkni leyfisveitinga á sviði umhverfis- og orkumála með endurhönnun ferla, endurskoðun regluverks, stafrænum lausnum og breytingum á verklagi. Markmiðið er að einfalda og stytta afgreiðslutíma og tryggja um leið gæði og gagnsæi þessara ferla.

Leyfisveitingar sem varða orkumál eru í fyrsta forgangi en heildarverkefnið nær þó einnig til annarra málefnasviða sem Umhverfis- og orkustofnun er ætlað að sinna samkvæmt frumvarpi um sameiningu stofnana.

Áður hefur verið óskað eftir tillögum að skilvirkari leyfisveitingum vegna þessa verkefnis sbr. mál nr. S-94/2024 í samráðsgáttinni.

Áformað er að vinna frumvarp til þeirra lagabreytinga sem teljast nauðsynlegar svo að úrbætur á leyfisveitingaferlum raungerist.

Áform þessi eru opin til samráðs til 14. ágúst nk.