Áformin sem hér eru kynnt eru um ný heildarlög um íþróttir. Í nýjum lagabálki verði núgildandi löggjöf uppfærð og færð til nútímans og tryggt að lagaumhverfi íþrótta endurspegli lykilþætti og kröfur sem nútímasamfélag gerir.

Þekking og fagmennska í íþróttastarfi hefur tekið miklum breytingum síðan núgildandi íþróttalög voru samþykkt og er mikilvægt að skoða hvort gert sé nægilega góð skil á þeim mikilvægu þáttum íþróttastarfsins í því umhverfi sem ríki og sveitarfélög hafa skapað starfseminni.

Markmið frumvarpsins er að ný löggjöf gefi aukna möguleika á að styðja betur við íþróttahreyfinguna. Stefnt er að því að ný löggjöf muni nútímavæða lagaumhverfi um íþróttir í samstarfi við sveitarfélög og íþróttahreyfinguna.