Umhverfis-, orku- og loftslagsráðuneytið óskar umsagna um drög að reglugerð um verkefnisstjórn vegna gerðar og eftirfylgni áætlana á sviði loftslagsmála.

Í lögum nr. 70/2012 um loftslagsmál er kveðið á um að ráðherra beri ábyrgð á gerð tveggja áætlana á sviði loftslagsmála. Annars vegar aðgerðaáætlun í loftslagsmálum, sbr. 1. mgr. 5. gr. laganna og hins vegar áætlun um aðlögun að loftslagsbreytingum, sbr. 5. gr. a. laganna.

Meginmarkmið reglugerðarinnar er að tilgreina að verkefnisstjórn hafi umsjón með gerð beggja áætlana ásamt því að í stjórninni eigi sæti fulltrúar allra ráðuneyta auk fulltrúa Sambands íslenskra sveitarfélaga.