Núverandi löggjöf um opinber innkaup byggist á Evróputilskipun nr. 2014/24/ESB um sama efni. Með breytingum í frumvarpi þessu er stefnt að því að gera tiltekin ákvæði í núgildandi lögum markvissari í framkvæmd og um leið tryggja að ekki sé dregið úr sveigjanleika sem lögunum og tilskipuninni er ætlað skapa á þessu sviði. Þá eru gerðar ýmsar lagatæknilegar breytingar á ákvæðum laganna vegna breytinga á stofnanafyrirkomulagi en heiti Ríkiskaupa mun t.a.m. ekki lengur koma fram í lögunum. Önnur ákvæði laganna eru einnig færð nær orðalagi samsvarandi ákvæðum sem koma fram í þeirri tilskipun sem lögin byggja á til að tryggja betra samræmi við milli innlends réttar og EES-réttar.